Անգլիացի փիլիսոփա , լուսավորիչ , քաղաքական մտածող և ազատամտականության սոցիալ-տնտեսական հայեցակարգի հիմնադիր : Լոկը համարվում է նաև իշխանությունների տարանջատման տեսության հիմնադիրներից : Լոկի քաղաքական հայեցակարգը հիմնված է բնական իրավունքի տեսության և հասարակական դաշինքնի ուսմունքի վրա : Հասարակական դաշինքի շնորհիվ առաջացած պետության նպատակը քաղաքացիների բնական իրավունքների ապահովումն է , մարդկանց անձնական անձռնամխելիության և մասնավոր սեփականության պաշտպանությունը : Մարդկանց նպատակը և ձգտումը մտնելու հասարակության մեջ , պայմանավորված է առաջին հերթին իրենց անձնական սեփականությունից խաղաղ և անվտանգ օգտվելու ցանկությամբ : Մասնավոր սեփականությունը հնարավոր է պաշտպանել միայն օրենքների միջոցով , պետության մեջ ոչ ոք և ոչինչ չի կարող լինել օրենքից ուժեղ , վեր : Լոկը պաշտպանում է իշխանությունների տարանջատման սկզբունքը : Ըստ Լոկի օրենսդիր իշանությունը պետք է պատկանի ամբողջ ազգի ներկայացուցչական հաստատությանը այսինքն ՝ խորհրդարանի , իսկ գործադիր իշխանությունը նախագահին կամ միապետին և նախարարներին , որոնք պետք է զբաղվեն նաև պետության արտաքին քաղաքականությամբ : Լոկի քաղաքական իդեալը սահմանադրական միապետությունն է :
Комментариев нет:
Отправить комментарий